नेपालगन्जमा क्षेत्रीय सुरक्षा भेला
जनक नेपाल
नेपालगन्ज, असार ३१ - उपप्रधान तथा गृहमन्त्री वामदेव गौतमले सरकारले माघअघि नै स्थानीय निकायको निर्वाचन गर्ने योजना बनाएकाले तयारी गर्न सुरक्षा अधिकारीलाई निर्देशन दिएका छन् ।
मध्य तथा सुदूरपश्चिम क्षेत्रका सुरक्षा अधिकारीहरुको क्षेत्रीय भेलाको मंगलवार नेपालगन्जमा उद्घाटन गर्दै गौतमले निर्वाचन केन्द्रीत सुरक्षा योजनामा ध्यान दिन आग्रह गरेका हुन् । 'माघ ८ मा संविधान जारी हुनु पहिल्यै स्थानीय निर्वाचन हुन्छ'-कार्यवहाक प्रधानमन्त्री समेत रहेका गौतमले भने,-'स्थानीय निकाय निर्वाचनलाई अझै शान्तिपूर्ण, स्वच्छ र भयरहित वातावरणमा सम्पन्न गर्न निर्वाचन केन्द्रीत सुरक्षा योजनामा ध्यान दिनुहोला ।'
आफूले गृह मन्त्रालय सम्हालेपछि पठाएको २२ बुँदे निर्देशनको स्मरण गर्दै उनले शान्ति सुरक्षा, सुशासन र भ्रष्टाचारमा शून्य सहनशिलताको लक्ष्य पूरा गर्न निर्देशन दिएका छन् । सरकारी निकायबाट दिईने सेवा सरल, चुस्तदुरुस्त, जनमुखी र पारदर्शी बनाउन समेत उनले आग्रह गरे । गृहमन्त्री गौतमले प्रहरी र प्रशासनका अधिकारीलाई राजनीतिक हस्तक्षेपको प्रभावमा नपर्न पनि आग्रह गरेका छन् ।
'कुनै पनि राजनीतिक दल वा शक्तिसंग नडराई कानून बमोजिम निर्भयका साथ जिम्मेवारी पूरा गर्नुहोला'-उनले भने । त्यस्तै, प्रहरीलाई मानवअधिकारको संरक्षण र प्रबर्द्धन गर्दै सेवा ग्राहीमैत्री बनाउन मुस्कानसहितको प्रहरी सेवाको प्रतिबद्धता पूरा गर्न आग्रह गरेका छन् ।
बुधवार सकिने सुरक्षा भेलामा मध्य र सुदूरपश्चिमका २४ जिल्लाका प्रमुख जिल्ला अधिकारी, सशस्त्र, नेपाल प्रहरी तथा राष्ट्रिय अनुसन्धानका अधिकारी सहभागी छन् । भेलामा गृहसचिव सूर्य सिलवाल, नेपाल प्रहरीका महानिरिक्षक उपेन्द्रकान्त अर्याल र सशस्त्र प्रहरीका महानिरिक्षक कोषराज वन्तको पनि उपस्थिती छ ।
जनक नेपाल
नेपालगन्ज, असार ३१ - उपप्रधान तथा गृहमन्त्री वामदेव गौतमले सरकारले माघअघि नै स्थानीय निकायको निर्वाचन गर्ने योजना बनाएकाले तयारी गर्न सुरक्षा अधिकारीलाई निर्देशन दिएका छन् ।
मध्य तथा सुदूरपश्चिम क्षेत्रका सुरक्षा अधिकारीहरुको क्षेत्रीय भेलाको मंगलवार नेपालगन्जमा उद्घाटन गर्दै गौतमले निर्वाचन केन्द्रीत सुरक्षा योजनामा ध्यान दिन आग्रह गरेका हुन् । 'माघ ८ मा संविधान जारी हुनु पहिल्यै स्थानीय निर्वाचन हुन्छ'-कार्यवहाक प्रधानमन्त्री समेत रहेका गौतमले भने,-'स्थानीय निकाय निर्वाचनलाई अझै शान्तिपूर्ण, स्वच्छ र भयरहित वातावरणमा सम्पन्न गर्न निर्वाचन केन्द्रीत सुरक्षा योजनामा ध्यान दिनुहोला ।'
आफूले गृह मन्त्रालय सम्हालेपछि पठाएको २२ बुँदे निर्देशनको स्मरण गर्दै उनले शान्ति सुरक्षा, सुशासन र भ्रष्टाचारमा शून्य सहनशिलताको लक्ष्य पूरा गर्न निर्देशन दिएका छन् । सरकारी निकायबाट दिईने सेवा सरल, चुस्तदुरुस्त, जनमुखी र पारदर्शी बनाउन समेत उनले आग्रह गरे । गृहमन्त्री गौतमले प्रहरी र प्रशासनका अधिकारीलाई राजनीतिक हस्तक्षेपको प्रभावमा नपर्न पनि आग्रह गरेका छन् ।
'कुनै पनि राजनीतिक दल वा शक्तिसंग नडराई कानून बमोजिम निर्भयका साथ जिम्मेवारी पूरा गर्नुहोला'-उनले भने । त्यस्तै, प्रहरीलाई मानवअधिकारको संरक्षण र प्रबर्द्धन गर्दै सेवा ग्राहीमैत्री बनाउन मुस्कानसहितको प्रहरी सेवाको प्रतिबद्धता पूरा गर्न आग्रह गरेका छन् ।
बुधवार सकिने सुरक्षा भेलामा मध्य र सुदूरपश्चिमका २४ जिल्लाका प्रमुख जिल्ला अधिकारी, सशस्त्र, नेपाल प्रहरी तथा राष्ट्रिय अनुसन्धानका अधिकारी सहभागी छन् । भेलामा गृहसचिव सूर्य सिलवाल, नेपाल प्रहरीका महानिरिक्षक उपेन्द्रकान्त अर्याल र सशस्त्र प्रहरीका महानिरिक्षक कोषराज वन्तको पनि उपस्थिती छ ।
Source: http://www.ekantipur.com/
0 comments:
Post a Comment