२९ साउन, सिराहा । सिरहाको दक्षिणी गाविस सन्हैठा र गाढामा कुकुर र भैंसीको विषयमा भएको विवाद प्रहरीसम्म पुगेको छ । सन्हैठा-३ का रामदेव यादवको घरमा भएको भोटे कुकुर छिमेकी गाउँ इँटाटार-८ का गोपी यादवलाई मन परेछ । तर, रामदेवसँग कुकुर माग्न उनलाई आँट आएन ।
जसरी पनि कुकुर लिन लागिपरेका उनले चलाखी गरे । र, ‘मैले पहाडबाट किनेर ल्याएको कुकुर मलाई दिलाई पाउँ भन्दै जिल्ला प्रशासन कार्यालयमा निवेदन दर्ता गराए ।
प्रशासनमा परेको सक्कलै निवेदनसहित प्रशासनले आवश्यक कारबाहीका लागि सन्हैठा प्रहरी चौकीलाई पत्राचार गर्यो । सन्हैठा प्रहरीले दुबै पक्षलाई बोलाएर गरेको छलफलमा दुबैपक्षले कुकुरमाथिको दाबी छाडेनन् । मुद्दा फेरि जिल्ला प्रशासनमै पुग्यो । प्रशासनले पनि कुकुरको छिनोफानो गर्न सकेन ।
मुद्दाको छिनोफानो नहुन्जेल कुकुर सुरक्षित राखिदिन जिल्ला प्रशासनले जिल्ला प्रहरीलाई जिम्मा लगायो । प्रहरीले कुकुरलाई सुरक्षाका लागि कारागार पठायो । कुकुरमाथि अरुले अनावाश्यक दावी गर्दै मुद्दा हालेपछि प्रहरी प्रशासनलाई दुई महिनासम्म तनाव भयो । प्रशासनले मुद्दा नटुंग्याएपछि रामदेवले पुनरावेदन अदालतमा मुद्दा दर्ता गराए ।
प्रहरी-प्रशासनलाई समेत विपक्षी बनाइ दर्ता मुद्दामा अदालतले कुकुरलाई कारागार मुक्त गरी रामदेवलाई नै फिर्ता दिन आदेश दियो । अदालतको आदेशपछि कुकुर कारागार मुक्त गरी रामदेवलाई जिम्मा लगाइएको खबर नागरिक दैनिकमा छ ।
त्यसैगरी, गाढा गाविसमा भैंसी जुध्दा खुट्टा भाँचिएको भन्दै प्रहरीमा उजुरी परेको छ । रामकृपाल सहनी र रामप्रसाद सहनीको भैंसी चौरमा चर्दै गर्दा जुधेछन् । रामप्रसादको भैंसीले आफ्नो भैंसीको खुट्टा भाँचिदिएको भन्दै रामकृपालले रामप्रसाद विरुद्द साउन १२ मा इलाका प्रहरी कार्यालय लहानमा उजुरी दर्ता गराए । जाहेरीमा भैंसीको मूल्य ६० हजार र उपचार खर्च १५ हजार क्षतिपूर्ति माग गरिएको छ ।
जसरी पनि कुकुर लिन लागिपरेका उनले चलाखी गरे । र, ‘मैले पहाडबाट किनेर ल्याएको कुकुर मलाई दिलाई पाउँ भन्दै जिल्ला प्रशासन कार्यालयमा निवेदन दर्ता गराए ।
प्रशासनमा परेको सक्कलै निवेदनसहित प्रशासनले आवश्यक कारबाहीका लागि सन्हैठा प्रहरी चौकीलाई पत्राचार गर्यो । सन्हैठा प्रहरीले दुबै पक्षलाई बोलाएर गरेको छलफलमा दुबैपक्षले कुकुरमाथिको दाबी छाडेनन् । मुद्दा फेरि जिल्ला प्रशासनमै पुग्यो । प्रशासनले पनि कुकुरको छिनोफानो गर्न सकेन ।
मुद्दाको छिनोफानो नहुन्जेल कुकुर सुरक्षित राखिदिन जिल्ला प्रशासनले जिल्ला प्रहरीलाई जिम्मा लगायो । प्रहरीले कुकुरलाई सुरक्षाका लागि कारागार पठायो । कुकुरमाथि अरुले अनावाश्यक दावी गर्दै मुद्दा हालेपछि प्रहरी प्रशासनलाई दुई महिनासम्म तनाव भयो । प्रशासनले मुद्दा नटुंग्याएपछि रामदेवले पुनरावेदन अदालतमा मुद्दा दर्ता गराए ।
प्रहरी-प्रशासनलाई समेत विपक्षी बनाइ दर्ता मुद्दामा अदालतले कुकुरलाई कारागार मुक्त गरी रामदेवलाई नै फिर्ता दिन आदेश दियो । अदालतको आदेशपछि कुकुर कारागार मुक्त गरी रामदेवलाई जिम्मा लगाइएको खबर नागरिक दैनिकमा छ ।
त्यसैगरी, गाढा गाविसमा भैंसी जुध्दा खुट्टा भाँचिएको भन्दै प्रहरीमा उजुरी परेको छ । रामकृपाल सहनी र रामप्रसाद सहनीको भैंसी चौरमा चर्दै गर्दा जुधेछन् । रामप्रसादको भैंसीले आफ्नो भैंसीको खुट्टा भाँचिदिएको भन्दै रामकृपालले रामप्रसाद विरुद्द साउन १२ मा इलाका प्रहरी कार्यालय लहानमा उजुरी दर्ता गराए । जाहेरीमा भैंसीको मूल्य ६० हजार र उपचार खर्च १५ हजार क्षतिपूर्ति माग गरिएको छ ।
Source: www.onlinekhabar.com
0 comments:
Post a Comment