काठमाडौं, असार २६ - अर्जेन्टिना चौबिस वर्षपछि विश्वकप फुटबलको फाईनलमा प्रवेश गरेको छ ।
पेनाल्टी शुटआउटमा नेदरल्याण्ड्सलाई ४–२ ले हराउँदै अर्जेन्टिनाले फाईनलमा जर्मनीसँगको भेट पक्का गरेको हो ।
उपाधिका लागि अर्जेन्टिना र जर्मनीबीच आईतवार राति भीडन्त हुनेछ । दुई टीमबीच २४ वर्षपछि फाईनलमा भेट हुन लागेको हो । सन् १९९० मा अर्जेन्टिनालाई शून्यका विरुद्ध एक गोलले हराउँदै जर्मनीले उपाधि जितेको थियो ।
बिहीबार विहान भएको खेलमा नेदरल्याण्डलाई हराएर अर्जेन्टिनालाई फाईनलमा पुर्याउन गोलकिपर सर्जियो रोमेरोले नायकको भूमिका खेले । डच टोलीका रोन भ्लार र वेस्ली स्नाईडरको पेनाल्टी रोके । उनले पहिलो पेनाल्टी प्रहार गर्न आएका भ्लारको प्रहार रोकेर डच टोलीलाई सुरुमै दबाबमा पारे । चौथो पेनाल्टी प्रहार गर्न आएका मेक्सी रोड्रिगेजको प्रहार गोल पोष्टमा छिर्ने वित्तिकै अर्जेन्टिना स्वतन्त्रता दिवसकै दिन फाईनल प्रवेश गर्यो । यो विश्वकपमा खासै परीक्षामा नपरेका अर्जेन्टिनी कीपर रोमेरोले निर्णायक बेलामा टीमका लागि निकै महत्वपूर्ण र बिर्सनै नसकिने भूमिका खेले । रोमेरोलाई टीममा सामेल गर्दा प्रशिक्षक अलेक्सान्द्रो सावेलाको आलोचना भएको पनि थियो । तर नेदरल्याण्ड विरुद्धको खेलमा गरेको प्रदर्शनले आलोचकहरुको मुखमा पनि बुझो लागेको छ । निर्धारित ९० मिनेट र अतिरिक्त ३० मीनेट भित्रै दुवै टीमले गोल गर्न नसकेको खेलमा रोमेरोले डच टोलीका केही प्रहार उत्कृष्ट ढंगले बचाउ गरेका थिए । तुलनात्मक रुपमा अर्जेन्टिनी डिफेन्सले राम्रो खेलेको थियो । एञ्जेल डि मारिया विनै मैदान उत्रेको अर्जेन्टिनाका लागि पे्रज र मास्चिरानोले उत्कृष्ट प्रदर्शन गरे । दोस्रो हाफपछि खेलमा पूर्ण रुपमा हावी भएको नेदरल्याण्ड्सले पनि निर्धारित र अतिरिक्त समयमा पाएका अवसरको सदूपयोग गर्न सकेन् । ५४ प्रतिशत बल होल्ड गरेको नेदरल्याण्ड्सले प्राप्त मौका सदुपयोग गर्न नसक्दा उत्कृष्ट प्रदर्शनका बाबजुद फेरि एक पटक निराश हुँदै घर फर्क्यो । ७४ औं मिनेटमा गोञ्जालो हिग्वीनले वान टचमा बललाई पोष्टमा पुर्याए पनि उनी डच टोलीको अफ साईड ट्रयापमा परेका थिए । अतिरिक्त समयमा डच टोलीका आर्जेन रोविन र अर्जेन्टिनाका प्लासियो र अग्वीराले प्राप्त मौका खेर फालेपछि खेल पेनाल्टी शुट आउटमा पुगेको थियो ।पेनाल्टी शुटआउटमा नेदरल्याण्ड्सलाई ४–२ ले हराउँदै अर्जेन्टिनाले फाईनलमा जर्मनीसँगको भेट पक्का गरेको हो ।
उपाधिका लागि अर्जेन्टिना र जर्मनीबीच आईतवार राति भीडन्त हुनेछ । दुई टीमबीच २४ वर्षपछि फाईनलमा भेट हुन लागेको हो । सन् १९९० मा अर्जेन्टिनालाई शून्यका विरुद्ध एक गोलले हराउँदै जर्मनीले उपाधि जितेको थियो ।
Source:
http://ujyaaloonline.com/
0 comments:
Post a Comment