९ जनाको एकै साथ कृया नसकीदै फेरी अर्को मृत्यु Posted by earghakhanchi on 7/09/2014 04:13:00 PM No comments

प्रेम सुनार गुल्मी, असार २५ ।- गुल्मीको अग्लुङ्गमा एकै परिवारका ९ जनाको कृया क्रम सकिन नपाउँदै सोही परिवारका फेरी अर्का सदस्यको मृत्यु भएको छ । गत असार ५ गते गुल्मीको अग्लुङ्ग ८, निपानेका भविलाल कुँवरको पहिरोले घर बगाउँदा उनि सहित परिवारका ९ सदस्यको मृत्यु भएको थियो । प्रबासमा रहेर बाँचेका दुई छोरा छविलाल र लोकबहादुर घर आई एकै साथ ९ जनाको क्रया बसेका थिए । हिन्दु परम्परा अनुसार १३ दिनको क्रिया क्रमको ९ दिनका दिन कान्छी आमाको मृत्यु भए पछि उनिहरु लामो क्रियामा परेको हुन् ।

उक्त दिन गएको पहिरोले ७० वर्षिय भविलाल, ६५ वर्षिय उनकी श्रीमति चेती कुँवर, ४० वर्षिया बुहारी सिता, उनका १३ वर्षिय छोरा चेतमान, ८ वर्षिया छोरी विन्दु, ५ वर्षिया छोरी हरिकला, २ वर्षिया छोरी विपना , कान्छो छोराकी ५ वर्षिया छोरी हिमा, माईती बस्न आएकी ४० वर्षिा जेठी छोरी जुठी विष्टको ज्यान गएको थियो । दुबै भाई मध्य एक कतार र एर्का भारतको मजदुरीमा घरबाट हिडेको दुई महिना पुग्न नपाउँदै घरमा त्यति ठुलो विपत्ती आई पुगेको थियो । क्रिया क्रम सकेर घरवासको व्यवस्था गर्नु पर्ने बेलामा फेरी कन्छी आमाको क्रिया क्रममा परेका ति दुई भाईको यति ठुलो विपत्ती पर्दा पनि राज्यको माथील्लो निकायले राहत कार्यक्रम दिन सकेको छैन् । गुल्मीकी सभाषद सिर्जना तरामुले संसदमा कुरा उठाए पनि सुनुवाई हुन कसकेको बताईएको छ । उनिहरुको घर बासै छैन र घर खाने जमिन समेत बगाएको छ । उनिहरु सहित अग्लुङ्गका अन्य ५ वटा घरहरु पहिरोका कारण विपत्तीमा परेका छन् । छविलाल र लोकबहादुरले सवै संग सहयोगको अपिल गरेका छन् । source : http://hamrogulminews.com/

ADD HERE